തിരുവനന്തപുരം : നന്തൻകോട് കൂട്ടക്കൊലപാതക കേസിൽ പ്രതി കേദൽ ജിന്സണ് രാജ കുറ്റക്കാരനാണെന്ന് തിരുവനന്തപുരം ആറാം അഡീഷനല് സെഷന്സ് കോടതി.ശിക്ഷാ വിധിയിൽ നാളെ വാദം നടക്കും.കൊലപാതകം, തെളിവ് നശിപ്പക്കൽ, ആയുധമുപയോഗിച്ച് പരിക്കേൽപ്പിക്കുക എന്നീ കുറ്റങ്ങളാണ് പ്രതിക്കെതിരേ ചുമത്തിയിരിക്കുന്നത്.
2017 ഏപ്രില് 9 നാണ് അച്ഛൻ പ്രൊഫ. രാജ തങ്കം, അമ്മ ഡോ. ജീൻപത്മം, സഹോദരി കരോളിൻ, ബന്ധുവായ ലളിത എന്നിവരെ കേദൽ കൊലപ്പെടുത്തിയ വിവരം പുറത്തറിയുന്നത് .മൂന്നുപേരുടെ മൃതദേഹം കത്തിക്കരിഞ്ഞും ഒരാളുടേത് കിടക്കവിരിയിൽ പൊതിഞ്ഞ നിലയിലുമായിരുന്നു.കൃത്യം നടത്തിയ ശേഷം ഒളിവില് പോയ കേഡല് ജീന്സണ് രാജയെ ദിവസങ്ങള്ക്കകം ചെന്നൈയിൽ നിന്നും പൊലീസ് പിടികൂടുകയായിരുന്നു
