തിരുവല്ല: സാധാരണക്കാരായ രോഗികൾക്ക് ഗുണമേന്മയുള്ള ചികിത്സ കുറഞ്ഞ ചെലവിൽ ലഭ്യമാക്കുക എന്ന ലക്ഷ്യത്തോടെ ബിലീവേഴ്സ് ചർച്ച് മെഡിക്കൽ കോളേജ് ആശുപത്രിയിൽ ‘ജനപ്രിയ ഹെൽത്ത് കെയർ’ പദ്ധതിക്ക് തുടക്കമായി. രാവിലെ 9 മണിക്ക് ആശുപത്രി സെൻട്രൽ കോർട്ട് യാർഡിൽ നടന്ന ചടങ്ങിൽ ഡയറക്ടറും സി ഇ ഒ യുമായ പ്രൊഫ. ഡോ. ജോർജ് ചാണ്ടി മറ്റീത്ര പദ്ധതിയുടെ ഉദ്ഘാടനം നിർവഹിച്ചു. അസോ ഡയറക്ടർ സണ്ണി കുരുവിളയും കമ്മ്യൂണിറ്റി മെഡിസിൻ മേധാവി ഡോ റീത്ത കരോളിൻ ഐസക്ക് എന്നിവർ ചേർന്ന് ജനപ്രിയ കാർഡിൻ്റെ സമർപ്പണം നടത്തി.
സാമ്പത്തികമായി പിന്നോക്കം നിൽക്കുന്നവർക്കും സാധാരണക്കാർക്കും മികച്ച ചികിത്സാ സൗകര്യങ്ങൾ ഉറപ്പാക്കുന്നതിനുള്ള ആശുപത്രിയുടെ പ്രതിബദ്ധതയുടെ ഭാഗമായാണ് ക്ലിനിക്ക് വിഭാവനം ചെയ്തിരിക്കുന്നത്. ചടങ്ങിൽ അസി ഡയറക്ടർ ഡോ. സംഗീത മെറിൻ വർഗീസ് , പി ആർ ഒ അസി മാനേജർ വിന്നി എലിസബത്ത് ജോൺസൺ, റവ. ഫാ. തോമസ് വർഗീസ് എന്നിവർ സംസാരിച്ചു.
അർഹരായ രോഗികൾക്ക് ആശുപത്രിയിലെ ഔട്ട്പേഷ്യന്റ് (OP) സേവനങ്ങളിൽ ഈ പദ്ധതി വഴി ഇളവുകൾ ലഭ്യമാകും
