പത്തനംതിട്ട: ലോക്സഭാ തെരഞ്ഞെടുപ്പില് ഇടതുപക്ഷ സ്ഥാനാര്ഥിയായ ഡോ. ടി എം തോമസ് ഐസക്ക് പത്തനംതിട്ടയില് ആദ്യ നാമനിര്ദേശപത്രിക സമര്പ്പിച്ചു. ശനിയാഴ്ച രാവിലെ 11 ന് കളക്ടറേറ്റില് എത്തി ജില്ലാ വരണാധികാരിയായ കളക്ടര് എസ് പ്രേം കൃഷ്ണന് മുമ്പാകെയാണ് മൂന്നു സെറ്റ് പത്രിക സമര്പ്പിച്ചത്. തുടര്ന്ന് കളക്ടറുടെ മുന്നില് സത്യപ്രസ്താവനയും നടത്തി. കെട്ടിവയ്ക്കാനുള്ള 25,000 രൂപ പണമായി നല്കി.
ആരോഗ്യമന്ത്രി വീണാ ജോര്ജ്, ഡെപ്യൂട്ടി സ്പീക്കര് ചിറ്റയം ഗോപകുമാര്, എംഎല്എമാരായ അഡ്വ. മാത്യു ടി. തോമസ്, അഡ്വ. പ്രമോദ് നാരായണ് എന്നിവരും സ്ഥാനാര്ഥിക്കൊപ്പം എത്തിയിരുന്നു.
