പത്തനംതിട്ട: പതിനാലുകാരനോട് ലൈംഗികാതിക്രമം കാട്ടിയ പ്രതിയെ കോന്നി പോലീസ് അറസ്റ്റ് ചെയ്തു. കോന്നി പെരിഞൊട്ടയ്ക്കൽ സ്വദേശിയായ ചരുവിള പുത്തൻവീട്ടിൽ വീട്ടിൽ ബിജു എന്ന് വിളിക്കുന്ന ജെയിംസ് ഡേവിഡ് (47) ആണ് അറസ്റ്റിലായത്.
കുട്ടിയെ മൊബൈലിൽ അശ്ലീലവീഡിയോകൾ കാണിച്ചു കൊടുക്കുകയും ആറ്റു കടവിലേക്കു വിളിച്ചു വരുത്തിയ ശേഷം അതിക്രമം കാട്ടുകയും ആയിരുന്നു. കൗൺസിലിംഗിനിടയിൽ കുട്ടി വിവരം വെളിപ്പെടുത്തിയതിനെ തുടർന്ന് ലഭിച്ച പരാതിയിന്മേൽ മൊഴി പ്രകാരം പോലീസ് കേസ് രജിസ്റ്റർ ചെയ്തു.
കോന്നി പോലീസ് സബ്ഇൻസ്പെക്ടർ ശ്യാം എസ്.എസിന്റെ നേതൃത്വത്തിൽ ,സി.പി.ഒ മാരായ രഞ്ജിത്ത്,നഹാസ്. രാഗേഷ് എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ റിമാൻഡ് ചെയ്തു.
