മുംബൈ : ബോളിവുഡ് നടൻ സെയ്ഫ് അലി ഖാനെ ആക്രമിച്ചത് ബംഗ്ലദേശ് സ്വദേശി മുഹമ്മദ് ഷെരീഫുൾ ഇസ്‌ലാം ഷെഹ്സാദ് എന്ന് മുംബൈ പോലീസ്. വിജയ് ദാസ് എന്ന വ്യാജപേരിലാണ് ഇയാൾ മുംബൈയിൽ കഴിഞ്ഞിരുന്നത്. ഹൗസ് കീപ്പിംഗ് ഏജൻസിയിലാണ് ഇയാൾ ജോലി ചെയ്തിരുന്നത്.ഇയാളുടെ കൈവശമുള്ള തിരിച്ചറിയൽ രേഖകൾ വ്യാജമാണെന്നും പൊലീസ് അറിയിച്ചു.
മോഷ്ടിക്കണമെന്ന ഉദ്ദേശ്യത്തോടെയാണ് ഇയാൾ സെയ്ഫിന്റെ വീട്ടിൽ കയറിയതെന്ന് പോലീസ് അറിയിച്ചു.ഇയാൾ നേരത്തെ ശുചീകരണ ജോലികൾക്കായി സെയ്ഫിന്റെ വീട്ടിൽ വന്നിട്ടുണ്ടെന്നും വിവരമുണ്ട് .ഇന്നലെ ഛത്തീസ്ഗഡിൽ നിന്നാണ് ഇയാളെ അറസ്റ്റ് ചെയ്തത്. കഴുത്തിലും കൈയിലും നട്ടെല്ലിലും മുറിവേേറ്റ നടൻ ശസ്ത്രക്രിയകൾക്ക് ശേഷം ഐസിയുവിൽ കഴിയുകയാണ്‌.
