തിരുവല്ല: സേവ സങ്കൽപ്പ് അഭിയാന്റെ ഭാഗമായി യുവമോർച്ച തിരുവല്ല മണ്ഡലം കമ്മറ്റിയുടെ സേവ ജീവധാര രക്തദാന ക്യാമ്പ് സംഘടിപ്പിച്ചു. തിരുവല്ല ബിലീവേഴ്സ് ചർച്ച് മെഡിക്കൽ കോളേജ് ഹോസ്പിറ്റലിൽ സംഘടിപ്പിച്ച ക്യാമ്പ് ബിജെപി മണ്ഡലം പ്രസിഡന്റ് രാജേഷ് കൃഷ്ണ ഉദ്ഘാടനം നിർവഹിച്ചു.
യുവമോർച്ച തിരുവല്ല മണ്ഡലം പ്രസിഡന്റ് നിധിൻ പ്രസാദ് അധ്യക്ഷത വഹിച്ചു. യുവമോർച്ച ജില്ലാ വൈസ് പ്രസിഡന്റ് രാജശ്രീ, ബിജെപി മണ്ഡലം വൈസ് പ്രസിഡന്റ് ജയൻ ജനാർദ്ദനൻ, യുവമോർച്ച മണ്ഡലം ജനറൽ സെക്രട്ടറി അഖിൽ ലാൽ, ബിജെപി നോർത്ത് ഏരിയ സെക്രട്ടറി ഉണ്ണികൃഷ്ണൻ എന്നിവർ പങ്കെടുത്തു.
