കോട്ടയം : സിക്കിം തുരങ്ക ദുരന്തത്തിൽ മരിച്ച ജിയോളജിസ്റ്റും വ്ലോഗറും ശാസ്ത്ര ലേഖകനുമായ പാമ്പാടി സ്വദേശി കൂരോത്തുപറമ്പിൽ അനീഷ് മോഹന്റ(43) മൃതദേഹം വീട്ടിലെത്തിച്ചു.പൊതുദർശനത്തിനുശേഷം ഉച്ചയ്ക്ക് 2 മണിക്ക് വീട്ടുവളപ്പിൽ സംസ്കാരം നടക്കും .
ഇന്നലെ രാത്രി 11ന് പുറപ്പെട്ട എയർ ഇന്ത്യ വിമാനത്തിലാണ് മൃതദേഹം കൊച്ചിയിൽ എത്തിച്ചത്. തുടർന്ന് പ്രത്യേക ആംബുലൻസിൽ മൃതദേഹം വീട്ടിലേക്കെത്തിച്ചു. എൻഎച്ച്‌പിസിയിൽ സീനിയർ മാനേജരായ അനീഷ് മോഹൻ മികച്ച ശാസ്‌ത്രലേഖകനും വ്ലോഗറുമാണ്‌.ടീസ്‌ത ഫൈവ്‌ ഹൈട്രോ ഇലക്‌ട്രിക്‌ പ്രോജക്‌ടിന്റെ ഭാഗമായി നിർമിക്കുന്ന തുരങ്കത്തിലുണ്ടായ മീഥൈൻ വാതകച്ചോർച്ചയെത്തുടർന്നാണ് സ്ഫോടനമുണ്ടായത്.
){kind=link}