തിരുവനന്തപുരം : ചിറയിന്കീഴിലെ കോണ്ഗ്രസ് തമ്മിലടിയില് വിശദമായ അന്വേഷണം നടത്താൻ കെപിസിസി.വിഷയം ഗൗരവമായി കാണുന്നുവെന്നും സംഘടന മര്യാദ പാലിക്കപ്പെട്ടിട്ടില്ലെന്നും കെ പി സി സി അധ്യക്ഷൻ സണ്ണി ജോസഫ് പറഞ്ഞു .വിഷയത്തിൽ അന്വേഷണം നടത്തി റിപ്പോർട്ട് സമർപ്പിക്കാൻ 3 അംഗ സമിതിയെ നിയോഗിച്ചതായും സണ്ണി ജോസഫ് വ്യക്തമാക്കി.
കെപിസിസി മുന് അധ്യക്ഷന് എം എം ഹസ്സന്റെ നേതൃത്വത്തിലാണ് അന്വേഷണം. മണ്ഡലത്തിന്റെ തെരഞ്ഞെടുപ്പ് ചുമതലയുണ്ടായിരുന്ന കെ പി സി സി ജനറൽ സെക്രട്ടറി രമണി പി നായർ, നെയ്യാറ്റിൻകര സനൽ എന്നിവരാണ് അന്വേഷണ സംഘത്തിലെ മറ്റ് അംഗങ്ങൾ. കയ്യാങ്കളിയിൽ ഇരുകൂട്ടർക്കുമെതിരെ പൊലീസ് കേസെടുത്തിട്ടുണ്ട്.
