തിരുവനന്തപുരം: മെറ്റയുടെ സാമൂഹിക മാധ്യമമായ വാട്‌സാപ്പിന് ഇന്ന് വൈകിട്ടോടെ സാങ്കേതിക തകരാര്‍ നേരിട്ടു. ഇതോടെ മെസേജുകള്‍ അയക്കാനും സ്‌റ്റാറ്റസ് അപ്ഡേറ്റ് ചെയ്യാൻ സാധിക്കാതെയും ഉപഭോക്താക്കളുടെ പരാതി ഉയര്‍ന്നു. ഔട്ടേജ് ട്രാക്കിങ് ഡൗണ്‍ ഡിറ്റക്ടര്‍ പ്രകാരം ഇന്ത്യയില്‍ രാത്രി 7.30 മുതലാണ് പ്രശ്‌നങ്ങള്‍ ആരംഭിച്ചത്.
കഴിഞ്ഞ ഫെബ്രുവരിയിലും സമാന പ്രശ്‌നം നേരിട്ടിരുന്നു. വാട്‌സാപ്പിലൂടെ സന്ദേശങ്ങള്‍ കൈമാറാന്‍ അന്നും ബുദ്ധിമുട്ട് നേരിട്ടിരുന്നു. സാങ്കേതിക തകരാറിനെ കുറിച്ച് വാട്‌സാപ്പ് വൃത്തങ്ങള്‍ പ്രതികരിച്ചിട്ടില്ല.
