ശ്രീനഗർ : ജമ്മു കാശ്മീരിൽ ഭീകരർ തട്ടിക്കൊണ്ടുപോയ സൈനികനെ വെടിയേറ്റ് മരിച്ച നിലയിൽ കണ്ടെത്തി.ടെറിട്ടോറിയൽ ആർമിയുടെ 161-ാം യൂണിറ്റിലെ സൈനികനായ ഹിലാൽ അഹമ്മദ് ഭട്ടാണ് വീരമൃത്യു വരിച്ചത്. അനന്തനാഗിലെ പാത്രിബൽ വനമേഖലയിൽ നിന്നാണ് മൃതദേഹം കണ്ടെത്തിയത്. ശരീരമാസകലം മുറിവേറ്റിട്ടുണ്ടെന്നും വെടിയേറ്റ പാടുകളുണ്ടെന്നും പൊലീസ് അറിയിച്ചു.
സൈന്യവും ജമ്മു കശ്മീർ പൊലീസും സംയുക്തമായി ഇന്നലെ പ്രദേശത്ത് നടത്തിയ തിരച്ചിലിനിടെയാണ് 2 സൈനികരെ ഭീകരർ തട്ടിക്കൊണ്ടു പോയത്. ഇതിൽ ഒരു സൈനികൻ രക്ഷപ്പെട്ടിരുന്നു .രണ്ട് വെടിയുണ്ടകളേറ്റ സൈനികനെ ആശുപത്രിയിൽ പ്രവേശിപ്പിച്ചിരിക്കുകയാണ്.
