അടൂർ : നരേന്ദ്രമോധി യുഎസ് പ്രസിഡൻ്റ് ഡോണൾഡ് ട്രംപിന് കീഴടങ്ങിയത് പോലെ കേരള മുഖ്യമന്ത്രി പിണറായി വിജയൻ പ്രധാനമന്ത്രി നരേന്ദ്ര മോഡിക്ക് കീഴടങ്ങിയിരിക്കുകയാണെന്ന് ലോക്സഭാ പ്രതിപക്ഷ നേതാവ് രാഹുൽ ഗാന്ധി. അടൂരിൽ യുഡിഎഫ് തിരഞ്ഞെടുപ്പു റാലിയിൽ പ്രസംഗിക്കുകയായിരുന്നു അദ്ദേഹം.
ശബരിമല സ്വർണ്ണകവർച്ചാ കേസിൽ എന്താണ് നടന്നതെന്ന് പറയാൻ പ്രധാനമന്ത്രി മറന്നു. അല്ലെങ്കിൽ സൗകര്യപൂർവം മറന്നതു പോലെ അഭിനയിച്ചു. ഇതിൽ നിന്ന് വ്യക്തമാകുന്നത് സി പി എം -ബിജെപി ഡീലാണ്. ബിജെപി പിന്തുണയ്ക്കുന്ന എൽഡിഎഫിനെയാണ് കേരളത്തിൽ കോൺഗ്രസ് നേരിടുന്നത്.
