പാലക്കാട് : പാലക്കാട് മൂലത്തറയിൽ വീണ്ടും ആൾക്കൂട്ട കൊലപാതകം. മദ്യലഹരിയിൽ യുവാക്കളുടെ സംഘം മാനസികാസ്വാസ്ഥ്യമുള്ള 40കാരനെ തല്ലിക്കൊന്നു. കഴിഞ്ഞ ഒരാഴ്ചയോളമായി ഈ പ്രദേശത്ത് അലഞ്ഞുതിരിഞ്ഞ് നടക്കുകയായിരുന്നു കൊല്ലപ്പെട്ട യുവാവ്. സംഭവത്തിൽ 7 പേർ അറസ്റ്റിലായി.
കൊല്ലപ്പെട്ടയാളെ ഇതുവരെ തിരിച്ചറിഞ്ഞിട്ടില്ല.ഞായറാഴ്ച വൈകീട്ട് എട്ടരയോടെയാണ് ഇയാളെ മരിച്ചനിലയിൽ കണ്ടെത്തിയത്.പോസ്റ്റ്മോർട്ടം പരിശോധനയിൽ ശരീരത്തിൽ അൻപതിലേറെ മുറിപ്പാടുകളും തലയ്ക്ക് ഗുരുതരമായ ആന്തരിക രക്തസ്രാവവുമുണ്ടായിരുന്നതായും സ്ഥിരീകരിച്ചു. സി.സി.ടി.വി. ദൃശ്യങ്ങൾ കേന്ദ്രീകരിച്ചു നടത്തിയ പരിശോധനയിലാണ് പ്രതികളെ പൊലീസ് പിടികൂടിയത്. പലതവണ വിലക്കിയിട്ടും വീട്ടുമുറ്റത്ത് കിടന്നുറങ്ങിയതിലുള്ള വൈരാഗ്യമാണ് കൊലപാതകത്തിന് പിന്നിലെന്നാണ് സൂചന.
