മലമ്പുഴയിലെ സ്ഥാനാർഥിത്വം : തീരുമാനമെടുത്തില്ലെന്ന് വി എസിന്റ പേഴ്‌സണൽ അസിസ്റ്റന്റ് എ. സുരേഷ്

പാലക്കാട് : മലമ്പുഴയിൽ കോൺഗ്രസ് സ്ഥാനാർഥിയായി വി എസ് അച്യുതാനന്ദന്റെ പേഴ്‌സണൽ അസിസ്റ്റന്റ് എ. സുരേഷ് മത്സരിക്കുമെന്ന് അഭ്യൂഹം. എന്നാൽ ഇത് സംബന്ധിച്ച് തൽക്കാലം തീരുമാനമെടുത്തിട്ടില്ലെന്ന് എ. സുരേഷ് മാധ്യമങ്ങളോട് പറഞ്ഞു .കെപിസിസിയുടെ ഉത്തരവാദപ്പെട്ട നേതാക്കന്മാർ തന്നോട് സംസാരിച്ചിരുന്നുവെന്ന് സുരേഷ് സമ്മതിച്ചു .എന്നാൽ അവരോട് ഒരു മറുപടിയും പറഞ്ഞിട്ടില്ല. പത്തു കൊല്ലത്തിലധികമായി തന്നെ പാർട്ടിയിൽ നിന്ന് പുറത്താക്കിയിട്ട്. താൻ ഇപ്പോഴും ഇടതുപക്ഷ അനുഭാവിയായി തുടരുകയാണെന്നും എ. സുരേഷ് പറഞ്ഞു.