ബെംഗളൂരു : ഐഎസ്ആര്‍ഒ വിക്ഷേപണ വാഹനമായ സ്മോൾ സാറ്റലൈറ്റ് ലോഞ്ച് വെഹിക്കിള്‍ ( എസ്എസ്എല്‍വി-ഡി3 ) വിജയകരമായി വിക്ഷേപിച്ചു. ശ്രീഹരിക്കോട്ടയിലെ സതീഷ് ധവാൻ സ്‌പെയ്‌സ് സെന്ററിൽനിന്ന് രാവിലെ 9.17-നാണ് ഭൗമ നിരീക്ഷണ കൃത്രിമ ഉപഗ്രഹമായ ഇഒഎസ്-08 നെയും വഹിച്ചുകൊണ്ട് എസ്എസ്എല്‍വി-ഡി3 വിക്ഷേപണം നടന്നത് .
ഏകദേശം 13 മിനുറ്റ് സമയം കൊണ്ട് വിക്ഷേപണം പൂര്‍ത്തിയായി.കാലാവസ്ഥാ നിരീക്ഷണത്തിനും ദുരന്തനിവാരണത്തിനും ആവശ്യമായ വിവരങ്ങൾ ഇഒഎസ്-08 ൽ നിന്നും ലഭിക്കും.ഒരുവർഷം പ്രവർത്തനകാലാവധിയുള്ള ഇ.ഒ.എസ്.-08 ചെറു ഉപഗ്രഹത്തിൽ മൂന്നു നിരീക്ഷണോപകരണങ്ങളാണുള്ളത്.
ഇസ്രൊയുടെ എറ്റവും ചെറിയ വാണിജ്യ വിക്ഷേപണ വാഹനമായ എസ്.എസ്.എൽ.വി.യുടെ മൂന്നാമത്തെ പരീക്ഷണ വിക്ഷേപണമായിരുന്നു. നിർമാണസമയവും വിക്ഷേപണച്ചെലവും വളരെ കുറവാണെന്നതാണ് എസ്.എസ്.എൽ.വി.യുടെ പ്രത്യേകത. വിക്ഷേപണ വിജയത്തോടെ എസ്എസ്എൽവി വികസനം പൂർത്തിയായതായി ഇസ്രൊ ചെയർമാൻ എസ് സോമനാഥ് അറിയിച്ചു.
 വിജയകരമായി വിക്ഷേപിച്ചു. ശ്രീഹരിക്കോട്ടയിലെ){kind=link}