കോന്നി : തണ്ണിത്തോട് കുട്ട വഞ്ചി സവാരി കേന്ദ്രം അടച്ചിടാനുള്ള വനം വകുപ്പിന്റെ തീരുമാനം പിൻവലിച്ചു .സവാരി കേന്ദ്രത്തിന് സമീപം സിഐടിയു, സിപിഎം പ്രവർത്തകർ കൊടിമരം സ്ഥാപിച്ചത് സംബന്ധിച്ച തർക്കത്തെ തുടർന്നാണ് വനം വകുപ്പ് അധികൃതർ വെള്ളിയാഴ്ച രാത്രി കുട്ടവഞ്ചി സവാരി കേന്ദ്രം അടച്ചിടാൻ തീരുമാനിച്ചത്.
ഇതു സംബന്ധിച്ച അറിയിപ്പ് കോന്നി ഡി എഫ് ഒ ഉത്തര കുമരംപേരൂർ ഡെപ്യൂട്ടി ഫോറസ്റ്റ് റേഞ്ച് ഓഫീസർക്ക് നിർദേശം നൽകിയിരുന്നു. പ്രശ്നം പരിഹരിക്കാമെന്ന് വനം വകുപ്പിൻ്റെയും സർക്കാരിൻ്റെയും ഉറപ്പ് ഇന്ന് ലഭിച്ചതിനാലാണ് വനം വകുപ്പ് ഉദ്യോഗസ്ഥർ തീരുമാനം മാറ്റിയത്.
