തിരുവനന്തപുരം : സംസ്ഥാന സ്കൂൾ കലോത്സവം ഡിസംബറിൽ തിരുവനന്തപുരത്ത് സംഘടിപ്പിക്കുമെന്ന് വിദ്യാഭ്യാസ മന്ത്രി വി ശിവൻകുട്ടി പ്രഖ്യാപിച്ചു.എറണാകുളത്തായിരിക്കും കായിക മേള.പുതുക്കിയ മാന്വൽ അനുസരിച്ചാകും കലോത്സവം.
കഴിഞ്ഞ സംസ്ഥാന സ്കൂൾ കാലോത്സവത്തിൽ ഉദ്ഘാടന സമ്മേളനത്തിന്റെ ഭാഗമായി അവതരിപ്പിച്ച തദ്ദേശീയ ജനതയുടെ ഒരു കലാരൂപം ഇത്തവണ മത്സര ഇനമായി തന്നെ ഉൾപ്പെടുത്തുമെന്നും അതിനുള്ള നടപടികൾ പുരോഗമിക്കുകയാണെന്നും മന്ത്രി പറഞ്ഞു.
സ്കൂൾ കായികമേള എറണാകുളം ജില്ലയിൽ ഒക്‌ടോബർ 18, 19, 20, 21, 22 തീയതികളിൽ നടത്തും. കായികമേളയെ ഒളിംപ്ക്‌സ് മാതൃകയിൽ അത്‌ലറ്റിക്‌സും ഗെയിംസും ഒരുമിച്ച് സംഘടിപ്പിക്കുന്ന രീതിയിൽ മാറ്റുന്ന പ്രവർത്തനമാണ് നടന്നുവരുന്നതെന്നും മന്ത്രി അറിയിച്ചു.
