പത്തനംതിട്ട: വാഹനാപകടത്തിൽ ഗുരുതര പരിക്കേറ്റ് കോട്ടയം മെഡിക്കൽ കോളേജിൽ ചികിത്സയിലായിരുന്ന വിദ്യാർത്ഥി മരിച്ചു. ചുട്ടിപ്പാറ നഴ്സിംഗ് കോളേജിന് സമീപം തോപ്പിൽ മുരുപ്പേൽ വീട്ടിൽ മോഹനൻ -തങ്കമ്മ ദമ്പതികളുടെ മകൻ അഭിൽ (18)ആണ് മരിച്ചത്. കാതോലിക്കേറ്റ് സ്കൂളിലെ പ്ലസ് ടു വിദ്യാർത്ഥിയാണ്.
ജനുവരി മൂന്നിന് കുമ്പഴ മൈലപ്ര റോഡിൽ സുഭാഷ് നഗറിനു സമീപം വെച്ച് അഭിൽ ഓടിച്ചിരുന്ന ബൈക്കിൽ കാറിടിച്ചാണ് അപകടം ഉണ്ടായത്. തലയ്ക്കു നെഞ്ചിലും ഗുരുതരമായി പരിക്കേറ്റ അഭിലിനെ പത്തനംതിട്ട സ്വകാര്യ ആശുപത്രിയിലും പിന്നീട് കോട്ടയം മെഡിക്കൽ കോളേജിലും പ്രവേശിപ്പിക്കുകയായിരുന്നു. കൂടെ ഉണ്ടായിരുന്ന സുഹൃത്ത് ജനറൽ ആശുപത്രിയിൽ ചികിത്സയിലാണ്.
