മലപ്പുറം : അധ്യാപിക ഓടിച്ച വാഹനമിടിച്ച് വിദ്യാർത്ഥിക്ക് പരിക്കേറ്റ സംഭവത്തിൽ അധ്യാപികയുടെ ഡ്രൈവിംഗ് ലൈസൻസ് മൂന്ന് മാസത്തേക്ക് സസ്പെൻഡ് ചെയ്ത് മോട്ടോർ വാഹന വകുപ്പ് .എംഎസ് പി സ്കൂളിലെ അധ്യാപിക ബീഗത്തിനെതിരെയാണ് നടപടി. എടപ്പാൾ ഐഡിറ്റിആറിൽ അഞ്ചുദിവസത്തെ ഡ്രൈവിംഗ് പരിശീലനത്തിന് അധ്യാപികയെ അയയ്ക്കും.
കഴിഞ്ഞ വെള്ളിയാഴ്ചയാണ് സ്കൂൾ ഗ്രൗണ്ടിൽ വെച്ച് അധ്യാപിക ഓടിച്ച വാഹനം ഇടിച്ചു പത്താം ക്ലാസ് വിദ്യാർത്ഥിനി മിർഷ ഫാത്തിമയ്ക്ക് ഗുരുതര പരിക്കേറ്റത്. വിദ്യാർത്ഥിനിയുടെ കാലിന് മൂന്നിടങ്ങളിൽ പൊട്ടൽ സംഭവിച്ചിരുന്നു. സംഭവത്തിൽ മലപ്പുറം റീജിയണൽ ട്രാൻസ്പോർട്ട് ഓഫീസറാണ് നടപടി സ്വീകരിച്ചിരിക്കുന്നത്. അശ്രദ്ധമായി വാഹനം ഓടിക്കൽ ഉൾപ്പെടെയുള്ള വകുപ്പുകൾ ഉൾപ്പെടുത്തി പൊലീസ് കേസെടുത്തിട്ടുണ്ട്‌.
