രാജ്യത്ത് സെൻസസ് നടപടികൾ 2025ൽ ആരംഭിക്കും

ന്യൂഡൽഹി : രാജ്യത്ത് സെൻസസ് നടപടികൾ 2025ൽ ആരംഭിക്കുമെന്ന് റിപ്പോർട്ട്. സെൻസസ് പൂർത്തിയാക്കുന്നതിന് പിന്നാലെ ലോക്‌സഭാ മണ്ഡല പുനർ നിർണയ നടപടികളും തുടങ്ങും. 2021-ല്‍ നടക്കേണ്ടിയിരുന്ന സെന്‍സസാണ് നാല് വര്‍ഷം വൈകി ആരംഭിക്കുന്നത്. 2025 ജനുവരിയിൽ വിവരശേഖരണം തുടങ്ങും. 2026-ല്‍ പൂര്‍ത്തിയാകുമെന്നാണ് പ്രതീക്ഷിക്കുന്നതെന്നും ഉന്നതവൃത്തങ്ങള്‍ പറഞ്ഞു.