കൊച്ചി : 2021 ലെ പീരുമേട് തിരഞ്ഞെടുപ്പ് കേസിൽ വാഴൂര്‍ സോമന്‍ എം.എല്‍.എയ്ക്ക് ആശ്വാസമായി ഹൈക്കോടതി വിധി. വാഴൂർ സോമന്റെ വിജയം ചോദ്യം ചെയ്തുള്ള യുഡിഎഫ് സ്ഥാനാർ‍ഥി സിറിയക് തോമസിന്റെ ഹർജി ഹൈക്കോടതി തള്ളി.സത്യവാങ്മൂലത്തിൽ വസ്തുതകൾ മറച്ചുവെച്ചെന്നായിരുന്നു ഹർജിയിലെ ആരോപണം.
വാഴൂർ സോമന്റെ സത്യവാങ്മൂലത്തിൽ പല വിവരങ്ങളും മറച്ചു വെച്ചുവെന്നും ചില ഭാഗങ്ങൾ മനപൂ‍ർവം ഒഴിവാക്കി എന്നുമായിരുന്നു പരാതി. എന്നാൽ വിവരങ്ങൾ മറച്ചുവെച്ചിട്ടില്ലെന്നും വരണാധികാരിയുടെ അറിവോടും സമ്മതത്തോടുംകൂടി പൂർണവിവരങ്ങൾ പിന്നീട് സമർപ്പിച്ചിരുന്നെന്നുമായിരുന്നു വാഴൂർ സോമന്റെ നിലപാട്.
വിധി നിരാശാജനകമെന്നും സുപ്രീം കോടതിയെ സമീപിക്കുമെന്നും സിറിയക് തോമസ് പ്രതികരിച്ചു.
