എറണാകുളം : കോതമംഗലം അടിവാട് സെവൻസ് ഫുടബോൾ ടൂർണമെന്റിനിടെ താത്കാലിക ഗാലറി തകർന്നുവീണ് അൻപതോളം പേർക്ക് പരുക്ക്. അടിവാട് മാലിക്ക് ദിനാർ സ്കൂൾ ഗ്രൗണ്ടിലാണ് അപകടമുണ്ടായത്. മത്സരം തുടങ്ങുന്നതിന് മുൻപായിരുന്നു അപകടം. മഴ കാരണം കമുകിന്റെ തടികൊണ്ട് നിർമ്മിച്ച താത്കാലിക ഗാലറിയുടെ കാലുകൾ മണ്ണിൽ പുതഞ്ഞ് ഗാലറി ഒരുവശത്തേയ്ക്ക് മറിഞ്ഞ് വീഴുകയായിരുന്നു.
ഹീറോ യങ്സ് എന്ന ക്ലബ് സംഘടിപ്പിച്ച ടൂർണമെന്റിനിടെയായിരുന്നു അപകടം.നാലായിരത്തിലധികം പേർ സ്ഥലത്ത് മത്സരം കാണാൻ എത്തിയിരുന്നു.പരുക്കേറ്റവരെ വിവിധ ആശുപത്രിയിൽ പ്രവേശിപ്പിച്ചു.
