തിരുവല്ല : കെഎസ്ഇബി ഇലക്ട്രിക്കൽ സെക്ഷൻ കടപ്ര ജീവനക്കാർക്ക് നിരണം ചുണ്ടൻ വള്ള സമിതിയുടെ സ്നേഹാദരവ്. ഈ കഴിഞ്ഞ കാറ്റിലും മഴയിലും ഇലക്ട്രിക്കൽ സെക്ഷൻ കടപ്രയുടെ പരിധിയിൽ നിരവധി മരങ്ങൾ കടപുഴകി വീഴുകയും വൈദ്യുതി തൂൺ ഒടിയുകയും ലൈനുകൾ പൊട്ടുകയും ചെയ്തു. ഏകദേശം അറുപതോളം പോസ്റ്റുകൾ ഒടിഞ്ഞതായി കണക്ക്. ചുരുങ്ങിയ സമയം കൊണ്ട് വൈദ്യൂതി പൂർണ്ണ തോതിൽ പുനഃസ്ഥാപിച്ചതിന്റെ ഭാഗമായിട്ടാണ് ചടങ്ങ് സംഘടിപ്പിച്ചത്.
നിരണം ചുണ്ടൻ വള്ള സമിതി പ്രസിഡന്റ് റെജി അടിവാക്കലും മറ്റ് അംഗങ്ങളും കെഎസ്ഇബി ജീവനക്കാർക്ക് സ്നേഹാദരവ് നൽകിയത്. സെക്ഷൻ അസിസ്റ്റന്റ് എൻജിനീയർ റെജിമോൻ എം ജെ, സബ് എൻജിനിയർമാരായ സെബാസ്റ്റ്യൻ ജോസഫ്, കാവ്യ എസ്സ് എന്നിവർ പ്രസംഗിച്ചു.
