കോട്ടയം: തിരുനക്കര മഹാദേവക്ഷേത്രത്തിലെ ആറാട്ട് എഴുന്നെള്ളത്തിന് ഒന്നിച്ചു നിന്ന് സ്വീകരണം ഒരുക്കി തിരുനക്കര പുത്തനങ്ങാടി കുരിശുപള്ളിയും തിരുവാതുക്കൽ മുസ്ലീം പള്ളിയും. പുത്തനങ്ങാടി കുരിശുപള്ളിയുടെ മുന്നിലായാണ് ഇന്ന് രാവിലെ പത്തു മണിയോടെ വൻ സ്വീകരണം ഒരുക്കിയത്.
സ്വീകരണത്തിന് നന്ദി പറഞ്ഞ ശേഷമാണ് ക്ഷേത്രം ഭാരവാഹികൾ കടന്നു പോയത്. കുരിശുപള്ളിയിലെ മുതിർന്ന വൈദികൻ ഫാ.സി.കെ പുന്നൂസ് കോറെപ്പിസ്കോപ്പ, തിരുവാതുക്കൽ മസ്ജിദിന്നൂർ മുസ്ലീം ജമാഅത്ത് ഇമാം മുഹമ്മദ് അൻസാർ മഹ്ളരി, ജമാ അത്ത് പ്രസിഡന്റ് അബ്ദുൾ ഖാദർ അൻസാരി മൗലാന , ജനറൽ സെക്രട്ടറി നിസാറുദീൻ നെടുംപുരയ്ക്കൽ, നഗരസഭ കൗൺസിലരുമായ അഡ്വ.ടോം കോര അഞ്ചേരിൽ എന്നിവരാണ് നേതൃത്വം നൽകിയത്.
ഇന്ന് രാത്രി 8.30- ന് നടന്ന സമാപന സമ്മേളനം മുൻ മിസോറാം ഗവർണർ കുമ്മനം രാജശേഖരൻ ഉദ്ഘാടനം ചെയ്യ്തു. ക്ഷേത്രാപദേശക സമിതി പ്രസിഡന്റ് റ്റി സി രാമാനുജം അധ്യക്ഷത വഹിച്ചു. രാത്രി 1.30- ന് ആറാട്ട് എതിരേൽപ്പോടുകൂടി ഉത്സവം സമാപിക്കും.
