പാലക്കാട് : പാലക്കാട് ഒരു കിലോ എംഡിഎംഎയുമായി സ്ത്രീ ഉൾപ്പെടെ മൂന്ന് പേർ അറസ്റ്റിൽ . കാഞ്ഞിരപ്പള്ളി സ്വദേശി മുഹമ്മദ് നിസിൻ, വേങ്ങര അസറുദീൻ, ഭാര്യ മംഗലാപുരം സ്വദേശി ബീഫാത്തിമ എന്നിവരാണ് പിടിയിലായത്.ഒലവക്കോട് വച്ചാണ് ഇവർ പൊലീസിന്റെ പിടിയിലാകുന്നത്.
എംഡിഎംഎയ്ക്ക് പുറമെ കൊക്കെയ്ൻ, ഹൈബ്രിഡ് കഞ്ചാവ്, എല്‍എസ്ഡി സ്റ്റാമ്പ് എന്നിവ ഉൾപ്പെടെ ഒരു കോടി രൂപയുടെ ലഹരി വസ്തുക്കളാണ് പിടികൂടിയത്. ബെംഗളൂരുവിൽ നിന്നാണ് ഓണക്കാലത്തെ വിൽപ്പനയ്ക്ക് വേണ്ടി ലഹരി കേരളത്തിലേക്കെത്തിച്ചത്. സ്ഥിരം ലഹരിക്കടത്തുകാരാണ് പ്രതികളെന്ന് പൊലീസ് പറയുന്നു.
