ന്യൂഡല്ഹി : പശ്ചിമേഷ്യൻ സംഘര്ഷങ്ങളുടെ പശ്ചാത്തലത്തില് ഫ്യുവല് സര്ചാര്ജ് പ്രഖ്യാപിച്ച് എയര് ഇന്ത്യ. ആഭ്യന്തര, അന്താരാഷ്ട്ര ശ്യംഖലകളില് സര്ചാര്ജ് ഏര്പ്പെടുത്തുന്നതോടെ വിമാനനിരക്കില് വര്ധനയുണ്ടായേക്കുമെന്ന് റിപ്പോര്ട്ട്.
മൂന്ന് ഘട്ടങ്ങളിലായാണ് സര്ചാര്ജ് നടപ്പിലാക്കുകയെന്നാണ് അറിയിപ്പ്. എയര് ഇന്ത്യ എക്സ്പ്രസ് നടത്തുന്ന സര്വീസുകളിലും ഈ സര്ചാര്ജ് ബാധകമാകുമെന്ന് എയര്ലൈന് ഗ്രൂപ്പ് അറിയിച്ചു. ഗള്ഫ് മേഖലയിലെ വിതരണ തടസ്സങ്ങളെത്തുടര്ന്ന് 2026 മാര്ച്ച് ആദ്യം മുതല് ഏവിയേഷന് ടര്ബൈന് ഇന്ധനത്തിന്റെ വിലയില് വലിയ വര്ധനയുണ്ടായതുകൊണ്ടാണ് ഈ വര്ധന നടപ്പാക്കുന്നതെന്ന് എയര്ലൈന് അറിയിച്ചു.
ആഭ്യന്തര വിമാനങ്ങള്ക്കും സാര്ക്ക് രാജ്യങ്ങളിലേക്കുള്ള റൂട്ടുകള്ക്കും ടിക്കറ്റിന് 399 രൂപ നിരക്ക് വര്ധിക്കും.
പശ്ചിമേഷ്യ (10 ഡോളര്), തെക്കുകിഴക്കന് ഏഷ്യ (20 ഡോളര്), ആഫ്രിക്ക (30 ഡോളര്) ഉള്പ്പെടെ നിരവധി അന്താരാഷ്ട്ര റൂട്ടുകളില് സര്ചാര്ജ് വര്ദ്ധിപ്പിക്കും.
ഹോങ്കോങ്, ജപ്പാന്, ദക്ഷിണ കൊറിയ തുടങ്ങിയ വിദൂര കിഴക്കന് രാജ്യങ്ങളിലേക്കും പിന്നീട് സര്ചാര്ജ് വ്യാപിപ്പിക്കും. വിശദാംശങ്ങള് പിന്നീട് അറിയിക്കും.
