തിരുവല്ല: ലോക പാർക്കിൻസൺസ് ദിനത്തോടനുബന്ധിച്ച് ബിലീവേഴ്സ് ചർച്ച് മെഡിക്കൽ കോളേജ് ആശുപത്രിയിലെ ന്യൂറോളജി, ഫിസിക്കൽ മെഡിസിൻ ആൻഡ് റീഹാബിലിറ്റേഷൻ , ക്ലിനിക്കൽ ന്യൂട്രീഷ്യൻ ആൻഡ് ഡയറ്റെറ്റിക്സ് വിഭാഗങ്ങളുടെ സംയുക്ത ആഭിമുഖ്യത്തിൽ ‘ബ്രിഡ്ജ് ദ കെയർ ഗ്യാപ്പ്’ (Bridge the Care Gap) എന്ന പ്രമേയത്തിൽ ബോധവൽക്കരണ പരിപാടി സംഘടിപ്പിച്ചു. നാഷണൽ റിസർച്ച് ഫോർ നോൺ കമ്മ്യൂണിക്കബിൾ ഡിസ്സീസസ്സു (എൻ ആർ സി – എൻ സി ഡി ) മായി സഹകരിച്ചാണ് പരിപാടി നടത്തിയത്.
ബിലീവേഴ്സ് ആശുപത്രി അസോസിയേറ്റ് ഡയറക്ടറും ലോകപ്രശസ്ത കാർഡിയോ തൊറാസ്സിക്ക് സർജനുമായ ഡോ. ജോൺ വല്യത്ത് അധ്യക്ഷനായ ചടങ്ങിൽ പ്രശസ്ത ഇംഗ്ലീഷ് കവി ഡോ. ജേക്കബ് ഐസക്, ബിലീവേഴ്സ് ആശുപത്രി മെഡിക്കൽ ഓങ്കോളജി വിഭാഗം സീനിയർ കൺസൾട്ടന്റ് ഡോ. അബു എബ്രഹാം കോശി എന്നിവർ മുഖ്യാതിഥികളായി.
ന്യൂറോളജി വിഭാഗം മേധാവി പ്രൊഫ. ഡോ. ജോൺ കെ. ജോൺ, അസോസിയേറ്റ് ഡയറക്ടർ ശ്രീ സണ്ണി കുരുവിള, മെഡിക്കൽ സൂപ്രണ്ട് ഡോ ജോംസി ജോർജ്, ക്ലിനിക്കൽ ഡയറ്റെറ്റിക്സ് വിഭാഗം മേധാവി ഡോ. ജ്യോതി എസ്. കൃഷ്ണൻ, പി എം ആർ അസോ. ഡയറക്ടർ ഡോ. ആൻ മേരി ജോൺ, എൻ ആർ സി – എൻ സി ഡി എക്സിക്യൂട്ടീവ് ഡയറക്ടർ ജോൺസൺ ഇടയാറന്മുള, റവ. ഫാദർ തോമസ് വർഗീസ് എന്നിവർ സംസാരിച്ചു.
ഉദ്ഘാടന ചടങ്ങിന് ശേഷം പാർക്കിൻസൺസ് രോഗത്തെക്കുറിച്ചും ചികിത്സാ രീതികളെക്കുറിച്ചും വിവിധ ബോധവൽക്കരണ ക്ലാസുകൾ നടന്നു. ന്യൂറോളജി കൺസൾട്ടന്റ് ഡോ. അർച്ചന എം., പി.എം.ആർ വിഭാഗം അസിസ്റ്റന്റ് പ്രൊഫസർ പ്രിയങ്ക ബി. എന്നിവർ ക്ലാസുകൾക്ക് നേതൃത്വം നൽകി.
