കടുവയുടെ ദൃശ്യങ്ങൾ എഡിറ്റ് ചെയ്തു പ്രചരിപ്പിച്ചു : യുവാവ് അറസ്റ്റില്‍

മലപ്പുറം : കടുവയുടെ ദൃശ്യങ്ങൾ എഡിറ്റ് ചെയ്തു പ്രചരിപ്പിച്ചതിന് യുവാവിനെ അറസ്റ്റ് ചെയ്തു.കരുവാരക്കുണ്ട് സ്വദേശി ജെറിന്‍ ആണ് വനംവകുപ്പിന്റെ പരാതിയിൽ അറസ്റ്റിലായത്. ആർത്തല ടീ എസ്റ്റേറ്റിന് സമീപം താൻ കണ്ട കടുവയുടേത് എന്ന പേരിലാണ് ജെറിൻ ദൃശ്യങ്ങൾ പ്രചരിപ്പിച്ചത്.ഇത് ദൃശ്യമാധ്യമങ്ങളില്‍ വാര്‍ത്തയായി വരികയും ചെയ്തു.തുടർന്ന് വനം വകുപ്പ് അന്വേഷണം ആരംഭിക്കുകയും സൗത്ത് ഡിഎഫ്ഒ ധനിക് ലാല്‍ നേരിട്ടെത്തി ഇയാളെ ചോദ്യം ചെയ്യുകയും ചെയ്‌തു.കുറ്റസമ്മതം നടത്തിയ യുവാവിനെതിരെ ജനങ്ങളില്‍ ഭീതിപടര്‍ത്തല്‍, സര്‍ക്കാര്‍ വകുപ്പുകളെ തെറ്റിദ്ധരിപ്പിക്കല്‍ ഉള്‍പ്പടെയുള്ള കുറ്റങ്ങള്‍ ചുമത്തിയാണ് കേസെടുത്തിരിക്കുന്നത്.