തിരുവല്ല: തകർന്നു കിടക്കുന്ന തിരുവല്ല സ്വകാര്യ ബസ് സ്റ്റാൻ്റിൻ്റെ ശോചനീയാവസ്ഥ പരിഹരിച്ച് പൂർണമായും സഞ്ചാരയോഗ്യമാക്കണമെന്നും, ബസ് സ്റ്റാന്റിൽ യാത്രകാർക്ക് വേണ്ട അടിസ്ഥാന സൗകര്യങ്ങൾ സ്ഥാപിക്കണമെന്നും ആവശ്യപ്പെട്ട് സ്വകാര്യ ബസ് തൊഴിലാളികൾ പണിമുടക്ക് നടത്തി. തിരുവല്ല നഗരസഭയിലേക്ക് നടത്തിയ മാർച്ച് യൂണിയൻ സംസ്ഥാന സെക്രട്ടറി കെ കെ സുരേന്ദ്രൻ ഉത്ഘാടനം ചെയ്തു. ജില്ലാ കമ്മിറ്റി അംഗം സുഭാഷ് അധ്യക്ഷനായി.
സി ഐ റ്റി യു ദേശീയ കൗൺസിൽ അംഗം അഡ്വ ഫ്രാൻസിസ് വി ആന്റണി, യൂണിയൻ ജില്ലാ പ്രസിഡന്റ് അഡ്വ ആർ മനു, സിപിഐഎം ഏരിയ സെക്രട്ടറി ബിനിൽ കുമാർ, സി ഐ റ്റി യു ഏരിയ സെക്രട്ടറി കെ ബാലചന്ദ്രൻ യൂണിയൻ ഏരിയ സെക്രട്ടറി ജോൺ മാത്യു, ജില്ലാ കമ്മിറ്റി അംഗങ്ങളായ കണ്ണൻ, അനുരാജ് എന്നിവർ പ്രസംഗിച്ചു.
