അടൂർ: മസ്ക്കറ്റിൽ കനത്ത മഴയെ തുടർന്ന് ഒഴുക്കിൽപ്പെട്ട് മരിച്ച മലയാളികളിൽ ഒരാളെ തിരിച്ചറിഞ്ഞു. കടമ്പനാട് വടക്ക് നെല്ലിമുകൾ തടത്തിൽ കിഴക്കേക്കിൽ സുനിൽ കുമാറാണ് (54) മരിച്ചത്. ഒമാനിലെ ബിദിയ സനയയിൽ ഞായർ ഉച്ചയ്ക്കാണ് സുനിൽകുമാർ ഒഴുക്കിൽ പെട്ടത്. ഒമാനിൽ കഴിഞ്ഞ 16 വർഷമായി വർക് ഷോപ്പ് നടത്തിവരികയായിരുന്നു.
ശക്തമായ മഴയിൽ അകപ്പെട്ട ഒരാളെ രക്ഷപെടുത്തുന്നതിനിടെയാണ് സുനിൽകുമാർ ഒഴുക്കിൽപ്പെട്ടതെന്നാണ് ബന്ധുക്കൾക്ക് ലഭിച്ച വിവരം. ഞായർ രാവിലെ സുനിൽ കുമാറും മകൾ സ്വാതിയും ഫോണിൽ സംസാരിച്ചിരുന്നതായി ബന്ധുക്കൾ പറഞ്ഞു. ദിവ്യയാണ് സുനിൽ കുമാറിന്റെ ഭാര്യ
