ആലപ്പുഴ : സമഗ്ര ശിക്ഷ കേരള ബി ആർ സി മങ്കൊമ്പിന്റെ നേതൃത്വത്തിൽ ലോക ഭിന്നശേഷി ദിനാചരണം ജില്ലാതല ഉദ്ഘാടനം മങ്കൊമ്പ് ബ്രൂക് ഷോറിൽ നടന്നു. ചമ്പക്കുളം ഗ്രാമ പഞ്ചായത്ത് പ്രസിഡന്റ് ടി.ജി.ജലജകുമാരി അധ്യക്ഷയായ ചടങ്ങിൽ ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ എം വി പ്രിയ ഉദ്ഘാടനം നിർവ്വഹിച്ചു. കുട്ടനാട് ജില്ലാ വിദ്യാഭ്യാസ ഓഫീസർ പി.എം.ബാലകൃഷ്ണൻ, എസ് എസ് കെ സ്റ്റേറ്റ് പ്രോഗ്രാം ഓഫീസർ ഷാജി, മങ്കൊമ്പ് ബിപിസി രാജേഷ് വിജയൻ, എസ് എസ് കെ ജില്ലാ പ്രോഗ്രാം ഓഫീസർമാരായ സുനിൽ മാർക്കോസ് എന്നിവർ സംസാരിച്ചു.
സംസ്ഥാന ഇൻക്ലൂസീവ് കായികമേളയിൽ പങ്കെടുത്ത ജേതാക്കളായ കുട്ടികളെ ജില്ലാ പഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺ എം വി പ്രിയ ആദരിച്ചു. നാടൻ പാട്ടു കലാകാരൻ മങ്കൊമ്പ് ശ്രീജിത്തും സംഘവും അവതരിപ്പിച്ച നാടൻ പാട്ട് പരിപാടിക്ക് തിളക്കമേകി.
