ആലപ്പുഴ: ജില്ലയിൽ ഉപതിരഞ്ഞെടുപ്പിനെ തുടർന്ന് അവധി പ്രഖ്യാപിച്ചു. ഉപതിരഞ്ഞെടുപ്പ് നടക്കുന്ന 59- മാന്നാര് ഗ്രാമപഞ്ചായത്ത്, 11- കുട്ടംപേരൂര്- എ വാര്ഡ്/ നിയോജകമണ്ഡലം, 39- ചെറിയനാട് ഗ്രാമപഞ്ചായത്ത് 04- അരിയന്നൂര്ശ്ശേരി വാര്ഡ്/നിയോജകമണ്ഡലം, 37- രാമങ്കരി ഗ്രാമപഞ്ചായത്ത്- 13- വേഴാപ്ര പടിഞ്ഞാറ് വാര്ഡ്/നിയോജകമണ്ഡലം എന്നിവയുടെ പരിധിയില് വരുന്ന എല്ലാ വിദ്യാഭ്യാസ സ്ഥാപനങ്ങള്ക്കും, സര്ക്കാര്/അര്ദ്ധ സര്ക്കാര് സ്ഥാപനങ്ങള്ക്കും വോട്ടെടുപ്പ് ദിനമായ ജൂലൈ 30ന് അവധി പ്രഖ്യാപിച്ച് ജില്ല കളക്ടര് ഉത്തരവായി.
പോളിംഗ് സ്റ്റേഷനുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് (എസ്.കെ.വി.എച്ച്.എസ്, കുട്ടംപേരൂര്, മാന്നാര്, 49-ാം നമ്പര് അംഗണ്വാടി, അരിയന്നൂര്ശ്ശേരി, ചെറിയനാട്) ജൂലൈ 29 തിങ്കളാഴ്ചയും തിരഞ്ഞെടുപ്പു ദിവസമായ ജൂലൈ 30 ചൊവ്വാഴ്ചയും അവധി നല്കിയിട്ടുള്ളതായി ജില്ല കളക്ടര് അറിയിച്ചു. ഉപതിരഞ്ഞെടുപ്പുമായി ബന്ധപ്പെട്ട പ്രവര് ത്തനങ്ങളില് ഏര്പ്പെട്ടിരിക്കുന്ന ഓഫീസുകള്ക്കും ഉദ്യോഗസ്ഥര്ക്കും ഈ ഉത്തരവ് ബാധകല്ല.
