ആലപ്പുഴ : ജില്ലയില്‍ തദ്ദേശസ്ഥാപന ഉപതിരഞ്ഞെടുപ്പ് നടന്ന മാന്നാര്‍ ഗ്രാമപഞ്ചായത്ത് 11- കുട്ടംപേരൂര്‍- എ നിയോജകമണ്ഡലത്തില്‍ കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ(മാര്‍ക്‌സിസ്റ്റ്) സ്ഥാനാര്‍ഥി സജൂ തോമസ് 589 വോട്ടു നേടി വിജയിച്ചു. ഇന്ത്യന്‍ നാഷണല്‍ കോണ്‍ഗ്രസ് സ്ഥാനാര്‍ഥി ചന്ദ്രകുമാര്‍ എസ്. 469 വോട്ടും ഭാരതീയ ജനത പാര്‍ട്ടി സ്ഥാനാര്‍ഥി ശ്രീക്കുട്ടന്‍ എന്‍. 235 വോട്ടും സ്വതന്ത്ര സ്ഥാനാര്‍ഥി ചന്ദ്രന്‍ നാല് വോട്ടും നേടി.
രാമങ്കരി ഗ്രാമപഞ്ചായത്ത്- 13- വേഴാപ്ര പടിഞ്ഞാറ് വാര്‍ഡില്‍ 315 വോട്ടുനേടി കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ(മാര്‍ക്‌സിസ്റ്റ്) സ്ഥാനാര്‍ഥി സരിന്‍ കുമാര്‍ ബി. വിജയിച്ചു. ഇന്ത്യന്‍ നാഷണല്‍ കോണ്‍ഗ്രസ് സ്ഥാനാര്‍ഥി വി.എ. ബാലകൃഷ്ണന്‍ 306 വോട്ടു നേടി. ഭാരതീയ ജനത പാര്‍ട്ടി സ്ഥാനാര്‍ഥി ശുഭപ്രഭ എം. 42 വോട്ട് നേടി. സ്വതന്ത്ര സ്ഥാനാര്‍ഥി വി.ആര്‍. അനില്‍ 22 വോട്ടു നേടി.
ചെറിയനാട് ഗ്രാമപഞ്ചായത്ത് 004- അരിയന്നൂര്‍ശ്ശേരി നിയോജകമണ്ഡലത്തില്‍ ഭാരതീയ ജനത പാര്‍ട്ടി സ്ഥാനാര്‍ഥി ഒ.ടി. ജയമോഹന്‍ 510 വോട്ടുനേടി വിജയിച്ചു. കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ(മാര്‍ക്‌സിസ്റ്റ്) സ്ഥാനാര്‍ഥി പി. ഉണ്ണികൃഷ്ണന്‍ നായര്‍ 403 വോട്ടും ഇന്ത്യന്‍ നാഷണല്‍ കോണ്‍ഗ്രസ് സ്ഥാനാര്‍ഥി അഡ്വ. ദിലീപ് ചെറിയനാട് 253 വോട്ടും നേടി.
