എടത്വ: എടത്വ പള്ളിയില്‍ വിശുദ്ധ ഗീവര്‍ഗീസ് സഹദായുടെ ചെറിയ രൂപവും വഹിച്ചുകൊണ്ടുള്ള പ്രദക്ഷിണം ഇന്ന് നടന്നു. കോരിചൊരിയുന്ന കനത്തമഴയേയും അവഗണിച്ചാണ് വിശ്വാസികള്‍ പള്ളിക്ക് ചുറ്റുമായി പ്രദക്ഷിണവിഥിയില്‍ അണിനിരന്നത്. തമിഴ്നാട്ടിലെ രാജാക്കമംഗലം തുറക്കാരാണ് പ്രദക്ഷിണത്തിന് രൂപങ്ങളും കുരിശുകളും മുത്തുക്കുടകളും വഹിച്ചത്.
വൈകിട്ട് 5.30 ന് ആരംഭിച്ച പ്രദക്ഷിണത്തിന് ഫാ. സേവ്യര്‍ വെട്ടിത്താനം മുഖ്യകാര്‍മികനായി. വികാരി ജോസഫ് കളരിക്കല്‍, തിരുനാള്‍ കോര്‍ഡിനേറ്റര്‍ ഫാ. ഏലിയാസ് കരിക്കണ്ടത്തില്‍, അസിസ്റ്റന്റ് വികാരിമാരായ ഫാ. കുര്യന്‍ പുത്തന്‍പുര, ഫാ. വര്‍ഗീസ് മതിലകത്തുകുഴി, ഫാ. തോമസ് കാരക്കാട്, ഫാ. കുര്യാക്കോസ് പീടിയേക്കല്‍, ഫാ. സെബാസ്റ്റ്യന്‍ മഞ്ചേരിക്കളം, ഫാ. സെബാസ്റ്റിയന്‍ കളത്തിപറമ്പില്‍, ഫാ. ആന്റണി നമ്പിയത്ത് എന്നിവര്‍ സഹകാര്‍മ്മികരായി.
പ്രദക്ഷിണത്തിന് ശേഷം രാജാക്കമംഗലം തുറയില്‍ നിന്നെത്തിയ നൂറുകണിക്കിന് വിശ്വാസികള്‍ പള്ളിയില്‍നിന്നു അവകാശ നേര്‍ച്ചകളായ ഉപ്പ്, നല്ലമുളക്, മലര്, വലയില്‍ ചേര്‍ക്കാനുള്ള തലനൂല്‍ എന്നിവ വികാരി ഫാ. ജോസഫ് കളരിക്കലിന്റെ കൈയില്‍ നിന്ന് സ്വീകരിച്ച് മടങ്ങി.
