തൃശൂർ പൂരത്തിനിടെ ലൈംഗികാതിക്രമം നേരിട്ടെന്ന് വിദേശ വ്ലോഗർമാർ

തൃശ്ശൂർ: തൃശൂർ പൂരത്തിനിടെ ലൈംഗികാതിക്രമം നേരിട്ടെന്ന പരാതിയുമായി വിദേശ വ്ലോഗര്‍ ദമ്പതികൾ .യുഎസിൽ നിന്നെത്തിയ മക്കൻസി,കീനൻ എന്നിവരാണ് വിഡിയോ ദൃശ്യങ്ങൾ സഹിതം സാമൂഹികമാധ്യമങ്ങളിലൂടെ ദുരനുഭവം വെളിപ്പെടുത്തിയത്. പൂരക്കാഴ്ചകൾ വിഡിയോയിൽ പകർത്തുന്നതിനിടെ  യുവതിയെ ഒരാള്‍ ബലമായി ചുംബിക്കാന്‍ ശ്രമിച്ചെന്നും യുവാവിന്റെ സ്വകാര്യഭാഗങ്ങളില്‍ സ്പര്‍ശിച്ചെന്നുമാണ് ആരോപണം. സംഭവത്തില്‍ പരാതികളൊന്നും ലഭിച്ചിട്ടില്ലെന്ന് പൊലീസ് അറിയിച്ചു.