തിരുവല്ല : എഴിഞ്ഞില്ലം ശ്രീ ധർമ്മശാസ്താ ക്ഷേത്രത്തിലെ നവീകരിച്ച ക്ഷേത്രക്കുളത്തിന്റെ ഉദ്ഘാടനം പത്തനംതിട്ട ജില്ലാ പഞ്ചായത്ത് അംഗം മായ അനിൽകുമാർ നിർവഹിച്ചു.പുളിക്കീഴ് ബ്ലോക്ക് പഞ്ചായത്ത് വൈസ് പ്രസിഡന്റ് സോമൻ താമരച്ചാലിൽ അധ്യക്ഷത വഹിച്ച ചടങ്ങിൽ ഗ്രാമ പഞ്ചായത്ത് അംഗങ്ങളായ റോയ് വർഗീസ്, ഷർമിള സുനിൽ,ക്ഷേത്രം മേൽശാന്തി സതീഷ് നാരായണൻ നമ്പൂതിരി എന്നിവർ സന്നിഹിതരായി.
തുടർന്ന് മൈനർ ഇറിഗേഷൻ വകുപ്പ് ഉദ്യോഗസ്ഥരെയും കരാറുകാരെയും ആദരിച്ചു.ദേവസ്വം പ്രസിഡന്റ് മനോജ് ജി സ്വാഗതം ആശംസിക്കുകയും വൈസ് പ്രസിഡന്റ് ബി. രതീഷ് കൃതജ്ഞത രേഖപ്പെടുത്തുകയും ചെയ്തു.
