തിരുവനന്തപുരം : സംസ്ഥാനത്ത് നാളെ കെ എസ് യു വിദ്യാഭ്യാസ ബന്ദ്. കെ എസ് യു സംസ്ഥാന കമ്മിറ്റിയുടെ നേതൃത്വത്തില് നടത്തിയ സെക്രട്ടേറിയേറ്റ് മാര്ച്ചില് പ്രവര്ത്തകര്ക്കു നേരെ നടത്തിയ പൊലീസ് അതിക്രമത്തില് പ്രതിഷേധിച്ചാണ് സംസ്ഥാന വ്യാപകമായി വിദ്യാഭ്യാസ ബന്ദിന് ആഹ്വാനം ചെയ്ത്.
സെക്രട്ടേറിയേറ്റ് മാര്ച്ചിനിടെ നിരവധി പ്രവര്ത്തകര്ക്ക് പരുക്കേറ്റിട്ടുണ്ട്. സമരത്തിനിടെ കെ എസ് യു സംസ്ഥാന അധ്യക്ഷന് അലോഷ്യസ് സേവ്യറിന് പരുക്കേറ്റു. പൊലീസ് പ്രവര്ത്തകര്ക്ക് നേരെ ജലപീരങ്കി പ്രയോഗിച്ചു.തുടർന്ന് പൊലീസിന് നേരെ കല്ലേറുണ്ടായി. പോലീസ് ലാത്തി ചാര്ജ് നടത്തിയതോടെ പ്രവർത്തകർ പ്രതിഷേധം ശക്തമാക്കി.
