ആലപ്പുഴ: അമ്പലപ്പുഴ ക്ഷേത്രത്തിൽ പന്ത്രണ്ടു വർഷത്തിൽ ഒരിക്കൽ നടക്കുന്ന പള്ളിപ്പാന ചടങ്ങിൻ്റെ വെബ്സൈറ്റ് ഉദ്ഘാടനം ചെയ്തു. ക്ഷേത്ര നടയിൽ ക്ഷേത്രം തന്ത്രിയും പള്ളിപ്പാന സ്വാഗത സംഘം ചെയർമാനുമായ പുതുമന എസ്. ദാമോദരൻ നമ്പൂതിരി ഉദ്ഘാടന കർമ്മം നിർവഹിച്ചു.
പള്ളിപ്പാനയുടെ വിശദ വിവരങ്ങൾ, ദിവസ അടിസ്ഥാനത്തിലുള്ള ചടങ്ങുകൾ , വഴിപാട് വിവരങ്ങൾ എന്നിവക്ക് പുറമെ പള്ളിപ്പാനയുമായി ബന്ധപ്പെട്ട സോഷ്യൽ മീഡിയ പേജുകളുടെ ലിങ്കും സൈറ്റിൽ ലഭ്യമാണ്. പള്ളിപ്പാന ചടങ്ങുകൾ തത്സമയം ലഭ്യമാക്കുന്നതിനുള്ള സൗകര്യവും സൈറ്റിൽ ക്രമീകരിച്ചിട്ടുണ്ട്. www.
ദേവസ്വം അഡ്മിനിസ്ട്രേറ്റീവ് ആഫീസർ എൻ. അജികുമാർ, ഉപദേശക സമിതി പ്രസിഡൻ്റ് കൊട്ടാരം ഉണ്ണികൃഷ്ണൻ, സെക്രട്ടറി റ്റി.ആർ. രാജീവ്, മീഡിയ കമ്മറ്റി ചെയർമാൻ കെ.സി.ഹരികുമാർ, കൺവീനൻ സരീഷ് ദേവപുരം, അക്സൻ്റ് പ്ലസ് ഉടമ എൻ. എസ്. രാജേഷ് എന്നിവർ ചടങ്ങിൽ പങ്കെടുത്തു.
