ചങ്ങനാശ്ശേരി: മലങ്കര കത്തോലിക്കാ സഭ ആർച്ച് ബിഷപ്പ് ഡോ തോമസ് മാർ കുറിലോസ് നായർ സർവീസ് സൊസെറ്റി ജനറൽ സെക്രട്ടറി ജി സുകുമാരൻനായരെ സന്ദർശിച്ചു. ജി സുകുമാരൻ നായർ ശസ്ത്രക്രിയക്ക് ശേഷം ചങ്ങനാശേരി എൻ എസ് എസ് ആശുപത്രിയിൽ വിശ്രമത്തിൽ ഇരിക്കെയാണ് ഡോ.തോമസ് മാർ കുറിലോസ് അദ്ദേഹത്തെ കാണാൻ എത്തിയത്.
കർദിനാൾ ക്ലീമിസ് ബാവായുടെ അസാന്നിദ്ധ്യത്തിൽ അദ്ദേഹത്തെ പ്രതിനിധാനം ചെയ്ത് എത്തിയ കുറിലോസ് തിരുമേനിയെ ജി സുകുമാരൻനായരും മകൾ സുജാതയും ചേർന്ന് സ്വീകരിച്ചു. എൻ.എസ്.എസ് ജനറൽ സെക്രട്ടറി സമുഹ നന്മയ്ക്കും, മത സൗഹാർദ്ദത്തിനും നൽകുന്ന സംഭാവനകൾ തിരുമേനി ആവർത്തിച്ചു പറഞ്ഞു. അദ്ദേഹത്തിന്റെ ആരോഗ്യത്തിനായി സർവ്വേശ്വരനോട് പ്രാർത്ഥിച്ച് മടങ്ങി.
