തിരുവല്ല: കെഎസ്യു തിരുവല്ല നിയോജക മണ്ഡലം കമ്മിറ്റിയുടെ നേതൃത്വത്തിൽ പുഷ്പഗിരി മെഡിക്കൽ കോളേജ് ഹോസ്പിറ്റലിലെ എംബിബിഎസ് യൂണിറ്റ് കമ്മിറ്റിക്ക് തുടക്കം. നിയോജകമണ്ഡലം പ്രസിഡണ്ട് ടോണി ഇട്ടി അധ്യക്ഷത വഹിച്ച യോഗം തിരുവല്ല ബ്ലോക്ക് കോൺഗ്രസ് ജനറൽ സെക്രട്ടറി ബെന്നി സ്കറിയ ഉദ്ഘാടനം നിർവഹിച്ചു.
യൂണിറ്റ് പ്രസിഡണ്ട് ജോസ് ജോസഫിന് പതാക കൈമാറി, മറ്റ് അംഗങ്ങൾക്ക് മെമ്പർഷിപ്പ് സ്ലിപ് നൽകി. വരും ദിവസങ്ങളിൽ കൂടുതൽ കുട്ടികളെ ഉൾപ്പെടുത്തിക്കൊണ്ട് യൂണിറ്റ് കമ്മിറ്റി വിപുലപ്പെടുത്തുമെന്ന് ഭാരവാഹികൾ അറിയിച്ചു. അനീറ്റ അന്ന തോമസ്, കാൽവിൻ ജോൺ വിൻസെന്റ്, അൻസൻ എ, നവീൻ വർഗീസ്, അരുൺ ദേവ് സി, ആർദ്ര എസ് അനിൽ, അലീന സോണി എന്നിവർ പ്രസംഗിച്ചു.
