തിരുവല്ല : നിയോജക മണ്ഡലത്തിലെ പെരിങ്ങര ഗ്രാമ പഞ്ചായത്ത് ആറാം വാർഡിനെ തിരുവല്ല നഗരസഭയുമായി ബന്ധിപ്പിക്കുന്ന മാലൂത്ര കടവ് പാലത്തിൻ്റെ ഉദ്ഘാടനം രാഷ്ട്രീയ പരിപാടിയായി ആഘോഷിച്ച എൽഡിഎഫ് നിലപാടിനെതിരെ പെരിങ്ങര മണ്ഡലം യുഡിഎഫ് ചെയർമാൻ ക്രിസ്റ്റഫർ ഫിലിപ്പ്, കൺവീനർ ജേക്കബ് ചെറിയാൻ എന്നിവർ പ്രതിഷേധിച്ചു.
ജില്ലാ പഞ്ചായത്തംഗം സാം ഈപ്പൻ, നഗരസഭാ ചെയർപേഴ്സൺ എസ്. ലേഖ പുളിക്കീഴ് ബ്ലോക്ക് പഞ്ചായത്ത് പ്രസിഡൻ്റ് ഈപ്പൻ കുര്യൻ എന്നിവരെ ചടങ്ങിൽ പങ്കെടുപ്പിക്കാതിരുന്നതിൽ മാത്യു ടി തോമസ് എം.എൽ.എ യുടെ പങ്കാളിത്തം പ്രകടമാണെന്ന് യുഡിഎഫ് നേതാക്കൾ കുറ്റപ്പെടുത്തി.
ഉത്തരവാദിത്വപ്പെട്ട ഉദ്യോഗസ്ഥർ പോലും ഉദ്ഘാടന ചടങ്ങ് അറിഞ്ഞില്ലെന്നാണ് അറിയാൻ കഴിഞ്ഞത്. ഞായറാഴ്ച വൈകിട്ട് നടന്ന ഉദ്ഘാടന ചടങ്ങിൽ പ്രതിഷേധിച്ച് ചടങ്ങിൽ പങ്കെടുക്കേണ്ട പെരിങ്ങര ഗ്രാമ പഞ്ചായത്ത് പ്രസിഡൻ്റ് ഹരിത എസ് ശശി വിട്ടു നിൽക്കയും ചെയ്തു.
