തിരുവനന്തപുരം : യൂണിവേഴ്‌സിറ്റി ഹോസ്റ്റലിൽ എസ്എഫ്‌ഐ പ്രവർത്തകർക്കെതിരായ പൊലീസ് നടപടിയെ ചൊല്ലി നിയമ സഭയിൽ ബഹളം .വി.ജോയി എംഎൽഎ അവതരിപ്പിച്ച അടിയന്തരപ്രമേയത്തിന് അനുമതി നിഷേധിച്ചതിനെ തുടർന്ന് പ്രതിപക്ഷം സഭ ബഹിഷ്‌കരിച്ചു.
പോലീസിന്റെ മർദ്ദനത്തിൽ പൊട്ടിയ ലാത്തിയുടെ ഭാഗം പ്രതിപക്ഷം സഭയിൽ പ്രദർശിപ്പിച്ചു.പൊലീസുകാരെ നിലയ്ക്കു നിർത്താൻ ആഭ്യന്തരമന്ത്രി തയാറാകണമെന്ന് വി.ജോയി പറഞ്ഞു.യൂണിവേഴ്‌സിറ്റി മെൻസ് ഹോസ്റ്റലിൽനിന്ന് കുട്ടികൾ ബീയർ കുപ്പി എറിഞ്ഞതാണ് പ്രശ്‌നത്തിനു കാരണമെന്നും പൊലീസുകാരുടെ വീട്ടിലേക്കു മാർച്ച് നടത്തുന്ന രീതിയും അവരെ മർദിക്കുന്നതും അംഗീകരിക്കാൻ കഴിയില്ലെന്നും ആഭ്യന്തരമന്ത്രി പറഞ്ഞു.
