ബംഗാൾ മുഖ്യമന്ത്രിയുടെ പിഎയുടെ കൊലപാതകികൾ പിടിയിൽ

കൊല്‍ക്കത്ത : ബംഗാള്‍ മുഖ്യമന്ത്രി സുവേന്ദു അധികാരിയുടെ പേഴ്‌സനല്‍ അസിസ്റ്റന്റ് ചന്ദ്രനാഥ് രഥിന്റെ കൊലപാതകത്തില്‍ മൂന്ന് പേര്‍ അറസ്റ്റില്‍. വിശാല്‍ ശ്രീവാസ്തവ, രാജ് സിങ്, മായങ്ക് മിശ്ര എന്നിവരെയാണ് ബിഹാറില്‍ നിന്നും ഉത്തര്‍പ്രദേശില്‍ നിന്നുമായി പിടികൂടിയത്. കൊൽക്കത്തയ്ക്കടുത്തുള്ള ഒരു ടോൾ ബൂത്തിൽ പ്രതികൾ യുപിഐ വഴി പണമടച്ചതായി പോലീസിന് കണ്ടെത്തിയിരുന്നു.അറസ്റ്റിലായ മൂന്ന് പേരും പ്രൊഫഷണൽ കൊലയാളികളാണെന്ന് പോലീസ് പറയുന്നു. മൂന്ന് പേരെയും ഇന്ന് ബംഗാളിലെത്തിച്ചു കോടതിയിൽ ഹാജരാക്കും.