അമ്പലപ്പുഴ: ആലപ്പുഴ ജില്ലയിൽ ഗ്രാമ വികസന വകുപ്പിൽ നിന്ന് പെൻഷൻ പറ്റിയ ആളുകളുടെ സൗഹൃദ കൂട്ടായ്മ്മ വേറിട്ട അനുഭവമായി മാറി. കളക്ടറേറ്റിലും ജില്ല ഗ്രാമ വികസന ഏജൻസിയിലും, പന്ത്രണ്ട് ബ്ലോക്ക് ഓഫീസുകളിലും വിവിധതസ്തികകളിൽ ജോലി ചെയ്ത് വിരമിച്ചവർ കളർകോട്ടുള്ള റോട്ടറി ഹാളിൽ ഒത്തുകൂടി.
നവതി ആഘോഷിച്ച റിട്ടയേർഡ് ബ്ലോക്ക് ഡെവലപ്പ്മെന്റ് ഓഫീസർ എൻ. ബാലകൃഷ്ണപിള്ള കൂട്ടായ്മ്മ ഉത്ഘാടനം ചെയ്തു. ഗാനാലാപനം, തിരുവാതിരകളി, ഡാൻസ്, കവിത ചൊല്ലൽ തുടങ്ങിയ വിവിധ കലാപരിപാടികൾ അവതരിപ്പിച്ചു. തുടർന്ന് അമ്പലപ്പുഴ പാൽപ്പായസം കൂട്ടി വിഭവ സമൃദ്ധ മായ സദ്യയും കഴിച്ചാണ് സമാഗമം അവസാനിപ്പിച്ചത്.
ഗാന്ധി ജയന്തി ദിനമായ ഒക്ടോബർ 2-ന് എല്ലാ വർഷവും സൗഹൃദ കൂട്ടായ്മ്മ നടത്തുവാൻ തീരുമാനിച്ചു. സമാഗമം 2026ന്റെ കോർഡിനേറ്റർ വി. ജെ. ശ്രീകുമാർ, ജി. ഗോപാലകൃഷ്ണൻ, ഹഫ്സ ബീവി, കെ. ആർ. സുജാത, അജിത് കുമാർ എന്നിവർ നേതൃത്വം നൽകി
