കോഴിക്കോട്:മെഡിക്കൽ കോളജ് ആശുപത്രിയിൽ പീഡിപ്പിക്കപ്പെട്ട അതിജീവിതയ്ക്കൊപ്പംനിന്നതിന്റെ പേരില് സ്ഥലംമാറ്റിയ സീനിയര് നഴ്സിങ് ഓഫീസര് പി.ബി. അനിതയ്ക്ക് കോഴിക്കോട് മെഡിക്കല് കോളേജില് തന്നെ നിയമനം നല്കും.ഇതുസംബന്ധിച്ച് ഉടന്തന്നെ ഉത്തരവിറക്കും.
ഏപ്രിൽ ഒന്നിന് കോഴിക്കോട് മെഡിക്കൽ കോളജിൽ തിരികെ പ്രവേശിപ്പിക്കണമെന്നു ഹൈക്കോടതി ഉത്തരവുണ്ടായിട്ടും അനിതയെ കോഴിക്കോട് മെഡിക്കല് കോളേജില് ജോലിയില് പ്രവേശിപ്പിക്കാത്തത് ഏറെ വിവാദമായിരുന്നു.ഇതിനെതിരേ അനിത മെഡിക്കല് കോളേജില് സമരം നടത്തിവരുകയായിരുന്നു.അനിതയ്ക്ക് പിന്തുണയുമായി അതിജീവിതയും രംഗത്തെത്തിയിരുന്നു.
