മുംബൈ : നടി ലൈലാ ഖാനെയും അഞ്ച് കുടുംബാംഗങ്ങളെയും കൊലപ്പെടുത്തിയ കേസിൽ നടിയുടെ അമ്മയുടെ മൂന്നാം ഭർത്താവ് പർവേസ് താക്കിന് വധശിക്ഷ. ഇയാൾ കുറ്റക്കാരനാണെന്ന് കഴിഞ്ഞദിവസം കോടതി കണ്ടെത്തിയിരുന്നു.
2011 ഫെബ്രുവരിയിൽ മഹാരാഷ്ട്രയിലെ നാസിക്കിന് സമീപം ഇഗത്പൂരിയിലുള്ള ബംഗ്ലാവിൽ വച്ചാണ് ലൈലാ ഖാൻ, മാതാവ് സലീന, സഹോദരങ്ങളായ അസ്മിന, ഇമ്രാൻ, സാറ, ബന്ധു രേഷ്മ ഖാൻ എന്നിവർ കൊല്ലപ്പെട്ടത്.2012ൽ ജൂലൈയിൽ ഇവരുടെ അസ്ഥികൂടങ്ങൾ കണ്ടെത്തിയതോടെയാണ് കൊലപാതക വിവരം പുറത്തുവരുന്നത്.
സ്വത്തിന്റെ പേരിൽ പർവേസ് താക്കും ഭാര്യയുമായി വാക്കുതർക്കം ഉടലെടുക്കുകയും ഇത് കൊലപാതകത്തിൽ കലാശിക്കുകയുമായിരുന്നു.
