കഴുത്തിൽ കയർ മുറുകി മരണം : നവീന്‍ ബാബുവിന്റെ പോസ്റ്റുമോര്‍ട്ടം റിപ്പോര്‍ട്ട് പുറത്ത്

കണ്ണൂര്‍ : അന്തരിച്ച എഡിഎം നവീന്‍ ബാബുവിന്റെ മരണം കഴുത്തിൽ കയർ മുറുകിയെന്ന് പോസ്റ്റുമോര്‍ട്ടം റിപ്പോര്‍ട്ട്. ശരീരത്തിൽ മുറിവുകളോ പാടുകളോ ഇല്ല. 15ന് പുലർച്ചെ നാലരയ്ക്കും അഞ്ചരയ്ക്കും ഇടയിലാണ് മരണം നടന്നതെന്നാണ് പോസ്റ്റുമോർട്ടം റിപ്പോർട്ടിൽ പറയുന്നത് .ജൂനിയര്‍ സൂപ്രണ്ട് പ്രേംരാജിനായിരുന്നു എ.ഡി.എം. നവീന്‍ ബാബു അവസാനമായി മൊബൈല്‍ ഫോണില്‍ സന്ദേശമയച്ചത്. മരിച്ച ദിവസം പുലര്‍ച്ചെ 4.58-നായിരുന്നു ഭാര്യയുടെയും സഹോദരന്റെയും നമ്പരുകൾ വാട്‌സാപ്പിൽ പ്രേംരാജിന് അയച്ചത്. അതിനാൽ  ഇതിനു ശേഷമാണു മരണം സംഭവിച്ചതെന്നാണ് കരുതുന്നത്.