ഷിരൂർ : കർണാടകയിലെ ഷിരൂരിൽ കാണാതായ അർജുനും മറ്റ് രണ്ട് പേർക്കും വേണ്ടിയുള്ള തിരച്ചിലിൽ ഗംഗാവലി പുഴയിൽ നിന്ന് ലോറിയുടെ ക്രാഷ് ഗാർഡ് കിട്ടി.ഇത് അർജുൻ ഓടിച്ച വണ്ടിയുടേതാണെന്ന് ഉടമ മനാഫ് സ്ഥിരീകരിച്ചു. നാവികസേന അടയാളപ്പെടുത്തിയ സ്ഥലത്ത് നടത്തിയ തിരച്ചിലിനിടെയാണ് ക്രാഷ് ഗാർഡ് ലഭിച്ചിരിക്കുന്നത്.
അതേസമയം ,ജില്ലാ ഭരണകൂടവുമായുള്ള ഭിന്നതയെ തുടർന്ന് പ്രാദേശിക മുങ്ങൽ വിദഗ്ധൻ ഈശ്വർ മാൽപെ തെരച്ചിൽ അവസാനിപ്പിച്ച് ഇന്നലെ നാട്ടിലേക്ക് മടങ്ങി. നദിയിൽ ഡ്രെഡ്ജിങ് നടക്കുന്നതിനു സമീപം ഇറങ്ങാൻ അനുവദിക്കാത്തതിനെ തുടർന്നാണ് ഈശ്വർ മാൽപെ മടങ്ങിയത്.വെള്ളം കലങ്ങുന്നതിനാലാണ് മാൽപയെ ഇറങ്ങാൻ അനുവദിക്കാത്തതെന്നാണ് അധികൃതർ പറയുന്നത്.
