ചങ്ങനാശ്ശേരി: സാഹിത്യ കാരൻ പ്രൊഫ. പി മാധവൻ പിള്ള യുടെ രണ്ടാം ചരമ വാർഷികവും, മാധവം പുരസ്കാര സമർപ്പണസമ്മേളനവും 28ന് 3.30ന് പെരുന്ന ഗൗരി മഹൽ ഓഡിറ്റോറിയത്തിൽ നടക്കും. കേരള സർവ്വ കലാശാല ഹിന്ദി വിഭാഗം മുൻ മേധാവിയും, ഡീനും ആയിരുന്ന ഡോ. എസ് തങ്കമണിയമ്മയ്ക്ക് പുരസ്കാര സമർപ്പണവും ചടങ്ങിൽ വെച്ച് നല്കും.
അഡ്വ. ജോബ് മൈക്കിൾ എം എൽ എ അധ്യക്ഷത വഹിക്കും. സാഹിത്യ കാരി ഡോ. ചന്ദ്രിക ബാലൻ പുരസ്കാര സമർപ്പണവും,മുഖ്യ അനുസ്മരണ പ്രഭാഷണവും നടത്തും. ഡോ. പി എസ് രാധാകൃഷ്ണൻ, പ്രൊഫ പി വി പരമേശ്വരക്കുറുപ്പ് എന്നിവർ അനുസ്മരണവും ഡോ. എസ് തങ്കമണിയമ്മ മറുപടി പ്രസംഗവും നടത്തും
