തിരുവല്ല : നെടുമ്പ്രം ഗ്രാമപഞ്ചായത്തിൽ ഹരിതകേരളം മിഷൻ്റെ നേതൃത്വത്തിൽ ജനപ്രതിനിധികൾ ഓർമ മരം സ്ഥാപിച്ചു. പഞ്ചായത്തിലെ ഹോമിയോ ഡിസ്പെൻസറി അങ്കണത്തിൽ തൈകൾ വെച്ച് പിടിപ്പിച്ചു. ജനപ്രതിനിധികൾ അവരുടെ ഭരണകാലയളവായ 2020-25 -ലെ ഓർമ്മകൾ നില നിർത്തുന്നതിനാണ് ഓർമത്തുരുത്ത് ഒരുക്കുന്നത്. ജാതി, സപ്പോട്ട, തുടങ്ങിയ ഫലവൃക്ഷതൈകളാണ് നട്ട് പിടിപ്പിച്ചത്.
ഗ്രാമപഞ്ചായത്ത് പ്രസിഡൻറ് പ്രസന്നകുമാരിവൃക്ഷത്തൈ നട്ടു . സ്റ്റാൻഡിങ് കമ്മിറ്റി അധ്യക്ഷന്മാരായ ഗിരീഷ് കുമാർ, പ്രീതി മോൾ ജെ, അംഗങ്ങളായ തോമസ് ബേബി, ഗ്രേസി അലക്സാണ്ടർ, വൈശാഖ് പി , മായാദേവി , ഹോമിയോ ഡോക്ടർ അലക്സ് പി, ഹരിത കേരളം ബ്ലോക്ക് കോഡിനേറ്റർ രാഹുൽ ജീ കൃഷ്ണൻ എന്നിവർ പങ്കെടുത്തു.
