തിരുവല്ല : സുരക്ഷിത പച്ചക്കറി ഉൽപാദിപ്പിക്കുക എന്ന ലക്ഷ്യത്തോടെ ടെറസിലും മുറ്റത്തും പച്ചക്കറി കൃഷി പദ്ധതിയുമായി നെടുമ്പ്രം ഗ്രാമപഞ്ചായത്ത്. കാർഷിക കർമ്മ സേന വഴിയാണ് പദ്ധതി നടപ്പാക്കുന്നത് .സർക്കാർ അംഗീകൃത എച്ച് ഡി പി ഇ ചട്ടിയിൽ തൈകളും,പോട്ടിങ് മിശ്രിതവും 75% സബ്സിഡിയിൽ ഗുണഭോക്താക്കൾക്ക് ലഭ്യമാകും .280 ചട്ടികളിൽ വളവും പച്ചക്കറി തൈകളും ലഭിക്കും .
ജനകീയ ആസൂത്രണത്തിലെ ഞങ്ങളും കൃഷിയിലേക്ക് എന്ന പദ്ധതി വഴി അടുക്കളത്തോട്ടത്തിനായി 3600 വീടുകളിൽ പച്ചക്കറി പാക്കറ്റുകൾ വിതരണം ചെയ്തിരുന്നു . കുടുംബശ്രീ മുഖേനയാണ് വിതരണം . കൃഷി ഓഫീസർ സാവേരി ഗോപകുമാർ പദ്ധതി വിശദീകരണം നടത്തി . ഉദ്ഘാടനം ഗ്രാമപഞ്ചായത്ത് പ്രസിഡൻറ് പ്രസന കുമാരി നിർവഹിച്ചു . വിവിധ സ്റ്റാൻഡിങ് കമ്മിറ്റിയുടെ ചെയർമാൻമാർ , വാർഡംഗങ്ങൾ , കൃഷി ഓഫീസിലെ ഉദ്യോഗസ്ഥർ എന്നിവർ പങ്കെടുത്തു
